Willkommen - Ben uni Wählen Sie bitte eine Schützenkompanie aus. Von links nach rechts sehen Sie das Wappen von St.Ulrich, St.Christina und Wolkenstein.
Ai 12 de mei uniral tenì n gran di de festa tla Cësa de Cultura "Luis Trenker" a Urtijëi. 14 lies deberieda cun l Chemun de Urtijëi ie tl lëur de njenië n di dla porta davierta cun benediscion dla cësa fata ora da nuef. L di dla porta davierta pieta la sëula ucajion per jì a ti cialé a duc i locai tla Cësa de Cultura. Te chësta ucajion presënta la 14 lies che à giapà na lerch te cësa nce si atività. Ajache l ie n di de festa uniral pità mujiga, juesc, atrazions y demustrazions d’uni sort.
Danmesdì saral la pert ufiziela cun la benediscion, autoriteies, mujiga y teater.
L di de festa tla Cësa de Cultura a Urtijëi vën metù a jì dal Chemun de Urtijëi, la grupa de Bal Populer, la Lia Guanc dala Gherdëina, i Jëuni de Mujiga, la Grupa da bal per mutons, la Lia da Mont de Gherdëina, la Lia Naztura y Usanzes, l Cor Raetia, la Lia Teater de Urtijëi, i Schizeri de Urtijëi, l Lia dal Schach, l club Rodes Gherdëina, la Locia, la Lia per l Turism y la mostra “Art52”.
