15.000 firmes

vënder ora dl ncesa...

Për l prim iede uniral al auteza dla provinzia de Bulsan tení n referendum. Bën trei mensc a durá l’ azion ulache i promoteures dla „Union für Südtirol“ a te duta la provinzia cri firmes per trei ponc de referendum y per una na “Volksabstimmung” (?). 13.000 firmes es bastá, ala fin fovel bën 15.184 zitadins che a teut la decijion de rujné pea diretamenter tla politica. N posa bën rujné de n resultat sensazionel, dantaldut davia che mo n ena dan la fin manciova mo plu de 1.000 firmes. „Ala fin ie mo unides mubilisedes duta la forzes, che n fin di conc a purta a n resultat tan aut, che a de segur scrit storia de democrazia”, nsci l cunselier provinziel Andreas Pöder.


Enghe te Gherdëina a l’ azion avu n gra suzes, tlo fova plu che auter l pont contro l “vënder ora dl ncesa” che a cherda l nteres dla jënt. N sada ai 20 de jené iel enghe stata la puscibilta de sotscrí sun plaza Sant Antone a Urtijëi. N generel an enghe ilo udú che gran pert dla jënt a dat rejon ala propostes de lege per se, senza vester scenó litadeures o simpatisanc dl partit.


La 15.000 firmes ie sen unides dates ju al tribunal che per 30 dis pudrá les cumpedé y cuntrulé. Do che l cunsei pruvenziel avra per sies mensc l tëmp da apruvé la leges, che plu de segur unira nia a sl dé, uniral i zitadins prubabilmenter d’ auton cherdei a lité.

Azion dla "Union für Südtirol"
Articul per tudesch

azion dla "Union für Südtirol"